OHEBURUKO BERBAMINAK

irekitzera doan zerumugak

ez dakit zer ekarriko didan gaur

zelatan dituzten bebarruak itxi egin dituzte

diosalik ez da jendearen agurrean

hiztegi berria darabilte ahoan

eguzkia ez da gehiago

sortaldetik aterako

diote

guregana datozen urrats arrotzak ezabatuz

azti ibili beharra dago

helburu isilen gordetegira egin ahal izateko

gaur berbaminez oheratuko naiz

aukera galdu bat gehiago zerrendatuz

aukera galduen zerrendari