ETORRIKO DIRA

azken egunotako korapiloak

estuegi dira zintzur bueltan

ahazmenaren erro sakonak

burmuinetik erauzi ahal izateko

egun nire zoriontasunaren indizea

ez dator bat zurearekin

baina noizbait etorriko dira aldi berriak

inon sustraitu gabeko iraganminetik libro

hemen zeharkako sohornetan

bata bestearengandik iheska bizi da jendea

ezin dugu geuk ezarri mugarriez gain egin

ezin gara jausi ilusio galduen putzura

eta unean uneko aldarririk egin ezean

zalantza egiten dut ez ote dugun jarraituko

oin isilduen orpoetara loturik

nik ez daukat beste aukerarik

zein da zure hautua?