ALDAMENEAN

bihar ere nahi nuke

aztarrenak atera eta

gaur bezalako hautabidea izan

noizbehinka patuari izkin egiteko azken kale ertzetik

ahanzturak harrapa ez nazan zutaz gogoratzean

irriari ezpainak doan emateko

bihar ere nahi nuke

atzo adina kemen bildu

joaten naizen lekura joanda ere

giza-leizea habita dezadan

neguminaren ostean

zure ondoan ez bada

zure ametsen ondoan

berriro esna nadin