Arbaso handiak

Gauez

haien siluetak zeru hutsaren kontra

marrazten dira

Troiako zaldi-erregimentuaren moduan.

Haien marmarioa putzuko

ur nabarmen bizitik

igotzen da.

Hala ere,

arrautza kraskatzen den bezala eguna lehertzen denean

eta zuzenean gizon armatu borradunak jaiotzen direnean

eta amak odoletan blai daudenean,

haiek aza-hostozko hegalak

dituzten tximeletak dirudite,

lainozko jelea dirudite,

ume-marra zimel batek kalkatua,

haien apenas markaturiko

eskuak dardarka daude,

arnasa hartzea ahazten zaie

eta hitz ulergarri

soil bat esatearen beldur dira.

Finean,

birusetatik substantzia heredagarri gehiago ditugu

haiengandik baino.

Ez dute indarrik.

Eta gu indarrik ez dutenen

indarra behar gara izan.