Nolakoa da bihotza?

 

Ofizialki bihotza

obalatua, gihartsua da,

irrikaz betea.

 

Baina bihotza margotu zuenak badaki

era berean badela

 

izarra bezain puntazorrotza,

eta batzuetan

gaueko txakur deslaia

bezain ahula,

eta batzuetan

arkanjeluaren tinpanoa

bezain bortitza.

 

Eta batzuetan

delineatzailearen ametsa

bezain kubikoa,

eta batzuetan

sarean dagoen baloia

bezain alaiki biribila.

 

Eta batzuetan marratxo mehearen gisako,

eta batzuetan leherketaren gisako.

 

Eta haren barnean

soilik ibaia dago,

presa,

eta, gorago, arraintxo bakarra,

urrutitik urrekara ez dena.

 

Halakoxe mazkar

jeloskor

grisaren

antzeko baino ez.

 

Hau ez da nabaria, jakina,

lehenengo begiratuan.

 

Bihotza margotu zuenak badaki

aurrena egin behar zuela

betaurrekoak,

ispilua kendu,

 

boligrafoa eta kalko-papera

jaurti,

 

eta oso luzaroan

kanpoan

ibili.