Gogoeta labur bat atso gurditxodun batez

Demagun atso bat eta demagun gurditxo bat.

Beraz, A atso baten eta G gurditxo baten sistema.

Sistema mugitzen da A ataritik I izkinara,

            I izkinatik H harrira, H harritik

            B basora, B basotik Z zerumugara.

Z zerumuga, ikusmena bukatzen

            eta oroimena hasten den lekua da.

Hala ere, sistema mugitzen da

            A abiadura konstantez,

            bide konstantetik,

            mundu konstantetik eta

            patu konstantetik,

bere bulkada eta bere zentzua berez

berreskuratuz.

Sistema erlatiboki independentea da hori,

zerumugatik zerumugarako paisaietan

beti atso gurditxodun bat.

Eta horrela behin betiko sortzen da

            unitate geodesiko hori,

            joan-etorriko bidaiaren unitatea,

            udazkenaren unitatea,

            gure eguneroko ogiaren unitatea,

            haizearen eta behe-zeruaren unitatea,

            urrutiko sorlekuaren unitatea,

            geuk ere barkatzen diegun zordunen unitatea.

            Ilunabarraren unitatea,

            oinatzen eta hautsaren unitatea,

            bizitza asetzearen unitatea amen.