Irakaskuntza

Zuhaitzak, sartu eta, erreberentzia egin du, esanez:

                                 Ni zuhaitza naiz.

Zeruko malko beltza isurtzen da hona, eta dio:

                                 Txoria naiz.

Hurbildu da

                  amaraunetik

                           amodioa bezalako zerbait

                                  eta dio:

                           Isiltasuna naiz.

Baina gero arbelean zabar-zabar jarri da

                           zamarraz jantzitako zaldi

                           nazional-demokrata

                           eta errepikatzen du,

                           belarriak alde guztietara mugituz,

                           errepikatzen eta errepikatzen:

                                  Historiaren motorra naiz,

                                  eta

                                  guk guztiok

                                  aurrerabidea

                                  maite dugu,

                                  eta

                                  kemena,

                                  eta

                                  borrokalarien sumina.

Eta hara non ikasgelako atearen azpiari

errekasto mehea osatuz

odola darion.

Zeren hasten baita

errugabeen

laurdenkatzea.