Oda pozari

Jada esperantzarik ez denean maitatzea:

hori baino ez da amodioa.

Zunda-globo bat jaurtitzea

jada hamar erori direnean,

berrehun untxi hartzea

ehun hilak direnean:

hori baino ez da zientzia.

Sekretuaz ari zara galdezka.

Izen bakarra du:

berriz ere.

Azkenik,

uretango bere irudia

darama hortz artean txakurrak,

jendeak ilargi berria errematxatzen du,

maite zaitut.

Besoak altxaturik

dituzten kariatideen antzera

granitozko denbora dugu tinkatzen

eta, garaiturik,

beti irabaziko dugu.