Ametsak

Gizakiarengandik amiñi bat hurrupatzen dute,

ilargiak ihintzetik legez.

Soka burugainetik hazten da

bertikalki gora.

Zisne beltza harri-koskorrean

txitatzen ari da.

Eta zeruan aingeru multzo batek

gaueko irristada-eskolan

du ikasten.

Amets dagit, hortaz, amets dagit.

Amets dagit

hiru bider hiru bederatzi direla,

indarrean dagoela

eskuineko eskuaren legea,

eta zirkuak alde egiten duenean

zelaigune zapalduan

belarra haziko dela.

Bai, belarra.

Belar adiera bakarrekoa.

Belar soila.