Olšany auzoko hilerri judua,
Kafkaren hilobia,
apirila, egun eguzkitsua

Mihitik isuritako zenbait hitz dabiltza

astigar zurien azpitik miatzen.

Abandonu hurbila

eta, beraz, harrizkoa.

Gregor Samsa gogorarazten duen

ate ondoko gizon zahar

metamorfizatu gabeak

argi biluzi horretan

begiak erdi itxi

eta edozein galderari erantzuten dio:

Barkatu, ez dakit,

ez naiz Pragakoa.