Ebakuntza

Hartu eskuan

bihotz langilea

      (xuxurlaz kantatzen duen

      historiaurreko txoriarena),

gibel langilea,

gibel langilea,

      (itsaspeko ziza gosetua),

arima langilea

      (lurpeko lurra,

      esperantzaren

      harizko ibaitzarra),

tumorea erauzi,

oinaze-gandorrak anputatu,

hodi berria,

aurpegi berria egin,

josi,

bendatu,

bisturia bota,

pintzak askatu,

eskuak garbitu,

izerdia lehortu,

zigarroa piztu.

Esan

aurrerantzean ez ezazue edan,

ez zaitezte galtzadan sar,

ez maitatu zorigaizki,

ez tirokatu zeuen burua,

zain zaitezte,

zain zaitezte

          (obeditzerik balute bezala).

Eta berriro garbitu,

esterilizatu,

eskuan hartu...

Minutu bat gehiago

eutsi

odol galtzeak baino,

erradioaktibitateak baino,

hiltzaileek baino.

Besterik ez.