Gogoeta labur bat argiaz

Ikusteko egiten dugu argia.

Siluriarrean, Siluriarra ikusteko egiten zuten argia.

Uholde nagusian, uholdea ikusteko egiten zuten argia.

Troian, Troia ikusteko egiten zuten argia,

aldi berean inguruko greziarrez ohartu zirelarik.

Iluminismoan iluminismoa ikusteko egiten zuten argia.

Gaur ere kasu hori ematen da.

Bilakatu,

   espezieak bilakatu ziren, hala nola ipurtargiak,

baita lanbideak ere, hala nola zuzi-eroaleak.

Energia asko argi da bihurtzen,

elektrikoa eta kimikoa, mekanikoa eta biologikoa.

Bateria bat ere aurkitzen da batzuetan.

Hainbesteko argia sortu zen, non izkina atzean ere dakusagun,

albokoaren urdaileraino ere badakusagun,

gauaren sustraitxoetaraino ere badakusagun.

Ez, ikustea ez da, ez,

    txantxetakoa.

Baina ikusi egin behar da

egin ahal dezagun argia,

                                    argia,

                                            argia,

itsutzeraino.