Paisaiako ahotsak

Lainoa gaubeilan.

Urruntasun neurrigabetik lemurren uluak.

Belarraren arima ilargi pean irriz.

Jendeak uste du airea ari dela negarrez.

Iluna enborrak marraskatzen ari da.

Okin hankamotzaren arima

orean botatako legamiaz kontu kontari.

Basozain urkatua

sokan bere artean kantuz.

Jostuna haritik

tuberkulosi-gelatik

gora.

Betikotasunak oxigenaturiko gaua.

Soldaduek

beroki oraino xuriz jantzirik

trenbide-pasaguneko barreren organo biraderaduna

jotzen dute geltoki ondoan.

Harri-koskorretan marruka ari da taberna.

Baina goizean

mamuak hiltzen dira

eta betiko ehortziak izango dira

titarean,

ogi biribiletan,

egur metro kubikoetan,

trabes

eta kisketa

gu bezain

hilezkorretan.