Funtzionarioa

 

Aski da ebakitzea

eta isuriko da odola.

 

Aski da garrasia

eta dardaratuko dira hormak.

 

Ez da aski.

 

Gauerdian, eserita, idazten du:

          Bilera... zatozte denok...

          Bilera... zatozte denok...

          Bilera... zatozte denok...

 

Begi gorriak. Zigarroen sugeak.

Egunez egun.

 

Mintzo da:

          Langileen garaipen loriatsua...

          Langileen garaipen loriatsua...

          Langileen garaipen loriatsua...

 

Hareazko airea. Leihoen blindatzea.

 

Ez zaio boza erlastuko.

Ehun ahots ditu,

ehun esku.

 

Aitzurrean dabil

igandero

Uhříneves-en,

Petřín muinoaren azpian.

            Burkideok... bakearen alde...

            Burkideok... bakearen alde...

            Burkideok... bakearen alde...

 

Lurra urratuko balitz

hark gorputzaz luke buxatuko,

lehenengoa edo bi milioigarrena.

 

Zuek haritzaren atzean

akabatzen zareten bitartean,

zuen eragozpenekin,

 

poltsa mukuru betearekin,

eskaileretatik,

harrietatik,

arantzetatik,

 

igo egiten da

etorkizunaren granitoa pisatzen duen

balantzara.