Poetarekin elkarrizketan

Poeta al zara?

    Bai.

Eta nola dakizu?

    Poema bat idatzi nuen.

Poema idatzi izanak poeta izan zinela esan nahi du.

Baina orain zer?

    Noizbait beste poema bat idatziko dut.

Beraz, agian noizbait poeta izango zara berriro. Baina nola jakinen duzu

benetako poema izanen dela?

    Azken hau bezalakoxea izanen da.

Hortaz, ez da batere poema izanen. Poema behin

bakarrik da, bigarrenez ezin izan halakoxea.

    Azkena bezain ona izanen dela nahi dut esan.

Baina ezin duzu hori pentsatu. Poemaren ontasuna ere behin bakarrik da

eta ez dago zure esku, zirkunstantzien esku baizik.

    Susmoa dut zirkunstantziak berdinak izanen direla.

Hala uste baduzu, seinale sekula ez zarela poeta izan, ezta

izanen ere. Zergatik uste duzu, beraz, poeta zarela?

    Bai, egia esan, ez dakit, ba...

    Baina zu nor zara?