Arratsa hil zen

Goian, goian.

Azken hitzak sabaian noraezean

hodeien antzo.

Arasak negar zegien.

Amantala dardarka,

amildegia estaliko balu bezala.

Bukaera zen. Gazteak lotara joan ziren.

Baina gauerdi aldera

hildakoa jaiki zen,

kandelak piztu (errukia diote),

azken galtzerdia azkar josi,

bere berrogeita hamar koroak

ziape-pote batean aurkitu,

eta mahaian ezarri,

armairutik eroritako guraizeak aurkitu,

urtebetez topatu ezin izan zuten

eskularrua aurkitu,

kisketa guztiak probatu,

ura itxi,

kafea bukatu

eta berriz erori zen atzerantz.

Goizean eraman zuten.

Kiskalirik zegoen.

Errautsa zarpaila zen

ikatz

marroi

arruntezkoa balitz bezala.

* koroa: Txekoslovakiako (1918-1992) moneta (itzultzailearen oharra).