Patologia

Hemen dautza

pobreen hizkuntzak,

jeneralen birikak,

salatarien begiak,

martirien larruak,

kristaltxo mikroskopikoen

absolutuan.

Gainetik irakurtzen ditut gibelaren itun zaharreko lore-hostoak,

burmuinaren oroigarritxo zurietan leitzen ditut

usteltzearen

hieroglifikoak.

Hona hemen, kristauok,

zerua, infernua eta paradisua

flaskotxotan.

Eta ez dago erostarik,

ezta hasperenik ere.

Hautsa baino ez da auhendatzen.

Isiltzen da Historia

kapilarretatik

iragazia.

Berdintasun mutua. Anaitasun mutua.

Eta atsekabe hilkorren hiru koloreko banderetatik

jakitearen hariak

egunez egun

ditugu erauzten.