Euria gauez

Sagu-hortzez

euriak harriak ditu haginkatzen.

Zuhaitzak hiritik pasieran

profeten moduan.

Agian iluntasunaren aingeru desitxuratuen

negar-zotina,

agian izurri zuritik marmarrez

sendatzen diren

atalaseko loreen

irri eutsia.

Agian Espiritu Santuaren

urruma

edozein bizkar-teilaren pean.

Denbora esanezina

zeinean bozgorailuen hotsa hausten baita

eta poemek

ez baitute hitzik,

tantak baizik.