Euria joan denean

hezetasun minberaturen formaz agian

aurresenditzen da

arratseko lehen hasperenaren bukaera,

konkretu eta odoltsua.

Nahiz eta arrats, nahiz eta euri

goiztirigabeko lorategi zabaletan.

Asuin artean harri lurperatu baten oroimena.

Neuronek konputa dezaketen bakarra hauxe da,

ahantziaren hurbiltasun aurrean.

Ildo erotiko horietatik irtetzear

daudenean ezaxolati eta lasaiak

hirugarren zirkunboluzio frontala

eta ia alde prerrolandiko osoa.

Konkretu eta odoltsua

arratseko lehen zati honen bukaera

betetzen da heze

euria egiten ez duenean.