Poesia kaiera
Poesia kaiera
John Berger
itzulpena: Iņigo Roque Eguzkitza
2019, poesia
64 orrialde
978-84-17051-33-4
John Berger
1926-2017
 
 

 

Requiem

 

Berdeak

betetzen ditu

lurraren bi bularrak

gau eta egun

basoko zuhaitzek

edoskitzen dute berdea.

Koloreen artetik

berdea da atzena.

 

Haizeak

idortzen du lurra

hautsezkoa eta arina

buztinezko orbainik

ilunenetan

odolaren marroia

behin eta berriro idortua

itzaltzen da berriro

haizea baretzen delarik

euripean.

 

Berdea

zilarra eta gorria ez bezala

egiaz Nella

ez da sekula berde zurruna

aro mineralen

esperoan egondakoa

zeren hostoa

haien arimen kolorekoa da

eta opari gisa dator.