Zutabearen hamalaugarren lerroa

Idazten ari nintzenean

Lehen zazpiak ezabatzen

Ikusi nituen,

Letraz letra

Hitzez hitz:

Tinta urdina

Kaosaren muskerrean

Batzen ikus nezakeen.

Botatu nahi nuen

Herdoilak jan aingura

Paperaren hondamendira,

           Baina ezin,

Metastasien musikak

Hutsaren arkitektura inarrosten

Zuen etengabe,

Letraz letra

Hitzez hitz:

Bizitzea hori zela

Ohartu nintzen,

Idatzi arau

Elerik ele

Zutabearen eremuan

Itotzea

Igeri egiten

Ez dakidalako.