Mintzapraktika, Olot

Ostatu batean sartzean,

Edozein herrialderen sabel sakonean

Toteltzen goaz:

           Eguerdian, adinekoak barran,

Garagardoak hurrupatzen,

Eta zerbitzaria goraki

Bere asteburua kontatzen.

Amodiozko istorio berrien aldaxkak

Loratzen sumatzen ditugu

           Behatz hezurtu batek matelan

           Behera datorren malkoa

Lehertzen duenean.

Balizko arroztasuna ahanzten dugu

Eta kameleoien moduan

           Ohiko bezeroen kapuluan ohatzen gara

           Non etxean bezala?

           Izaki bakoitzaren epika kabitzen da

Edozein herritako ostatu arruntetan.