Ada Vilaroren ohorez

           Zure gorputzaren arrosa

Izotzezko mingain zurbil arriskutsuaren

Babesean datza

Hotzak erretzen du

Hotzak sutzen gaitu

Hotza dator esku ahurretara

           Sumendi hilaren belztasuna

Zurrupatuz.

Ipar haize labainkorraren ufakoa.

Bihotz pilpira metronomikoak.

Glaziarrak urtzen direnean,

           Apokalipsia markatzeko

           Ur tantek zoladuran egiten duten

           Soinu umela.

Eta bat-batean zerutik jaisten da

Odol euri bat

Izotzaren mingaina gorriz

Tindatzera.

           Dadoak bota ditugu:

           Seikorik ez,

Hotzez dardarka dabilen

Gorputz biluzi

Bat baizik ez,

Oinatz baldarrez

Sumendi hilaren belztasuna

Desafiatzen.