Nire bila jin hintzen. Ilunpea zunan.

Appa hi! aplikazioko lehen galdetegiari

Arrapostu zuzenak eman hizkiola

Erran hidan.

Ohean odol tatxa bi. Ilunpea zunan.

Maria Nicolauren sukalde-errezeta bat

Egin ninan afaltzeko, txibia saltsan

Eta kale aza egosia.

Mihise almidoituak. Ilunpea zunan.

Hire gorputza ferekatzen ninan amodio

Eskasez, mapetatik ezabatu hiri bat

Izan bahintz bezala.

Ez nekinan maitatzen. Ilunpea zunan.

Larruak esku ahur kolpatua erretzen zinan

Eta kolibriaren lau malkoak ez zitunan

Aski sutearen itzaltzeko.