Aizkolaria bezala ari naiz

Euskaltzaindiaren Hiztegiaren enborrean

Sakeak irekitzen: olerkiak

           Ezpalka jaukitzen zaizkit

Larre gabetuen eremuetan

Sakabanatzeko.

Enbor beraren ezpal ezberdinak:

Aurrizki oldeek udaberriko saparen

Heze sarkorra daroate

           Eta egur beilegiaren bihotzean

Ageri da ur hegiko zuhaitzaren

Korapilo ilunkara.

Ezpal bakoitzarekin etzidamuko

Bere etxe-bilduma eraikiko duela

Sinesten duen aizkolaria naiz.

Definizio zehatzeko

Hitz umezurtzekin.