BUKAERA

Itzulera bako puntu honetan,

eskuak beldurrez eta dudaz beterik,

behin ezagututako hitzek

esanahia galdu dute.

Muturreko beroaren eraginez gorputzak

pauso motelez mugitzen dira

erreka ertzetik, urruneko suteei begira.

Gerizpearen babesetik ikus daitezke

oihalak, landareak, aldarriak,

ekintza liturgikoaren aztarna

bilakatzeko prest.

Seguruenik, bukaeran ere

borondatea eta ospakizun nahia gailenduko dira.