Keinura itzuli
Keinura itzuli
2022, poesia
80 orrialde
978-84-19570-00-0
Azala: Maider Garayo
Elena Olave
1997, Durango
 
 

 

AMETS BATEAN

 

 

Eskailera batzuk igotzen ikusi zaitut

kristalezko pasabide batetik

irribarretsu eskua jaso eta

basoko adar biluzien artean desagertuz.

 

Neguarekin batera txoriak

etorri zaizkit agurtzera,

doluminak eman eta ezer gutxi egitera,

ezer gutxi berregin daitekeelako

ulertzeko ezintasuna gailentzen denean.

 

Elurra ari du.

Izotza hedatzen hasi da bailaran.