OTSAILEKO ARGAZKIA

Suntsitutako landa baten erdian

deskantsurako toki bat eraikitzeko

abilidadea da gurea,

intuizioz begirada berbideratzekoa.

Gorputzeko tentsioak askatu ostean

ile lakarra fintzen diogu elkarri

egurrezko orrazi txiki batekin,

norabide berri baterantz

korapilatuta.

Deshabitatutako landa baten erdian

ibaiaren joan-etorri urduriak

entzuten ikasitako izakiak gara,

etengabeko dardaran

bizi den materia.