ESKAINTZA

Arrakala bakarreko kristala nola

zerbait higatzen hasi da nigan.

Izendatzea aski bada ere

dudan naiz zelan egin.

Behin eskaini nuen gorputza

jada ez da ez beira, ez granito, ez harri.

Zurruna, iraunkorra izateak

ez nau salbatuko.

Zerbait izatekotan buztina litzateke:

moldagarria, plastikotasun handikoa,

neguan oparitu zenizkidan txirtxiluen antzekoa.