GUTUNA

Zenbatzen hasiz gero

berrehunetik gorakoa izan daiteke

nekatuta bizitzeak oztopatu dizkidan

ez-idatzitako poemen inbentarioa.

Arrazoia zenuen esan zenidanean

Ann Walkerren nortasun iguala nuela

Anne Lister performatzen saiatu arren.

Inor begira ez dudanean

telazko zapietan estaltzen dut neure burua

urtaroak ahalik eta arinen igaro daitezen,

ezin naitekeelako soilik

kontzeptu gisa existitu.

Gaur ere hamaika poema utzi ditut idatzi gabe

apatia honek ez baitu aukera handirik ematen

izen guztien izanak ezagutzeko.