HUNTZAK HARTURIKO ZUBIAN

urtxintxa bat begira ari zaigu

pago baten adarretik, galdegin nahian

nola litekeen aldaketez ez jabetzea

hainbat izakik harrizko zubi zaharra

bizilekutzat hartu badute,

aspaldiko kantuen babesean.

Buruko minez baina irribarretsu

paseoa eten dugu inozentziari dagokion zorabioz

behinola elkarrekin izendatutako espazioak

esanahi berriekin zelan bete asmatu ezinik.