Keinura itzuli
Keinura itzuli
2022, poesia
80 orrialde
978-84-19570-00-0
Azala: Maider Garayo
Elena Olave
1997, Durango
 
 

 

ZIKLIKOKI

 

 

maitatzen edo maitatuak izaten

ez dakigula onar dezagun behingoz

Itxaro Borda

 

 

Ordu erdi darama ahoan odola metatzen

burdin zaporea gehiago luzatu nahi ez eta

hagin bana galduz ahoskatu berba bakoitzeko

it will pass, love, it will pass.

 

Behin hortz guztiak galduta

odola isurtzen hasi da

ahots goran errepikatuz

it will pass, safe dream, it will pass.

 

Seguruenik, itzartzerakoan

ahoa bere onera itzuliko da

tonu berri eta berba jario umoretsuagoarekin

zeren it will pass, melodrama, it will pass.