LORE URDINAK

Etxeko atarian jesarri da

ezpainak dardarka eta eskuak hotz.

Bertako lurrak gaziak direla badaki,

edozein txokotan hazten baitira lore urdinak.

Atertu osteko zeruaren zaintzapean

gorputz-ispiluen absentziak

bihurtzen du herri txikia handiegi,

arrotz bezain ukiezin.

Lepoko fina esku artean

galdutakoak oroitzen hasi da,

ezti bilakatuko ez diren loreak,

oraindik ezagutu ez duen zerbaiten esperoan.