GIZA GEOGRAFIA BERRIA

inork ez dizu eskatu

nirekin oheratzeko

oihanaren erdian

nire melodia dastatzeko

aski da nire erritmoari adi egon

zure gogoari lotu eta

autostop egitearekin

nire bizitzaren bazterretan

eguna norabidean

ez dizu inork eskatu

makurtu eta

bere topografia osoan zehar

melatzeko

nire arima

desegokia

dirdiraka

zure begi ninian

itxaronaldia ailegatu aurretik

sinfonia apokaliptikoen

parranda indiskriminatu hau

amaitu baino lehen

tempo bako tonuz

metrorik gabeko erritmoz

beztitu zara eta

ez dizu inork deus eskatu

baina giza

geografia

berri batean

barneratu zara

miazka iezadazu arima