SATURRARAN

«Call me Sandy», mutilak

orekari eutsi nahian.

«Yeah, well», neskak ezaxolaz,

harkaitz artean plastaka

makurtu da

ikusmiratuz karramarroak

olatuetatik eta

bertoko ehiztariengandik

(«asko dekoguz») ezkutuan.

Haizeak gorputz luzanga eta

arranditsuak jantzi ditu

ordenarik gabe harean zabaldutakoak

lur eragabetua

bertuteetara jolasean

itsasoa hankartean

eta gerritik behera biluzik

agurtzen du

eguzkia

jainkoaren miseriak urtuta

valsean lerratzen da

Saturraranen begien aitzinean.