ZURE GATZAREN
MALKO BATZUENGATIK

Stalin eta Lenin bitarte laxo

gailurretik gailurrera

zamalkatuko nintzateke

zure ipurmasailetan

Tajikistan eta Kirgizistan artean

Gobi atzealdeko patioa

zure estepa arrosa eta

zure zetazko goi-lautada beltzekin

konparatua

edadearen

sakrifizio polarra

epeltzeko

kotoi eskarlatazko

igluak eraikiz

odolustuko nintzateke

Siberia osoan barrena

aurre egingo nioke

Mongol armadari

zure gatzaren

malko batzuengatik

nire mingainarekin

zizelkatuko nuke zure tailu osoa

nire hatzmamiekin zure zerua

infernua entretenituz

plazeraren jolas

errudimentarioarekin

zure gatzaren

malko batzuengatik

lehertuko nintzateke

milioika fruitu kartsutan

zure existentzia nabarraren

oinatzak argiztatzeko

ilargia ezpainekin hurbilduz

zure lubakiraino

        gailurrik ez

        esteparik ez

        arrosarik ez

bakarrik geratzen naiz

intentzioz

joeraz

eta gerraz

beterik

haizezko igluak

eguzki izoztuak

lubakirik gabeak

bakarrik ilargi

eta leherketa barik

        ez armadarik

        ez zerurik

        ez edaderik

bakarrik

gogoz

eta

ingenuitatez

beterik