TRACTATUS CIVICUS

hazitakoan

zibilizazioaren plazer

diskurtsibo patologikoan barrena

galdu naiz

eta txikitan gidatzen ninduen

mutiko basatiaren idearioa

suntsitu egin da

gaizki atera den neskatxa baten

posterretratua daukat ordezko

susmagarriki

komen eta perpaus

subordinatuen

ezer laburtzen ez duen

laburdura motz honen

menpe

hitzak

munizioa

barreiatzen du

emozionalki

menpekotasuna

samurtu eta

ziurtagiriz

bizirauteko

honezkero

nire senetik atera naiteke

oligarkikoki

inperio alemanaren

europar onespenarekin

nire obedientzia akreditatu dute

orain Lady naiz

        Sir-en emazte

egiarenean ostatu hartuta

        boterearen

        plazer diskurtsibo patologikoan

        egoitzaduna

honezkero

erail dezaket

zibikoki

hots

emozionalki

boterearen

egiaren

eta hitzaren

menpe