Baratzaren erdian

Haurtzarora behatzen dakigun bakanetan

Begiak betetzen zizkiguten

Ilunabar haien eta bestordu hartako

Biharren oroitzapen orok

Ziztu biziaren bibelar minak

Estali dituela dakusagu

Ortuaren orduan txondarrak kee

Egunaren ihaurkinei arratsak su damaienekoa

Ez dut ezer malenkoniatsuagorik ezagun

Geroztik erori dira bidetxurrak ere

Ez gara inoizkorako osatu genuen estanpan

Xahartzea urteetan sartzea

Laineztatze eta leziatu izatea

Oroitzapen txintxo haiek

Ximaur piloaz ongarritzea da.