Igaroko naun Piazza di Spagnatik

Zerua zilar izango dun.

Zabalduko ditun kaleak

pinuzko eta harrizko igarobidean.

Kaleetako kalapitak

ez din aldaraziko aire geldi hori.

Kolorez zipriztinduriko

loreek iturrietan

kirik egingo diten andre

jostarien antzera. Eskailerek

terrazek enarek

eguzkitan kantatuko diten.

Zabalduko dun kale hura,

kantatuko diten harriek,

dardaraka taupadatuko dun bihotza,

iturrietako uraren antzera…

hura izango dun hire eskaileretan

gora joko duen ahotsa.

Leihoek jakingo diten zein den

goizeko harriaren eta airearen

usaina. Ate bat zabalduko dun.

Kaleetako kalapita

izango dun bihotzaren kalapita

argitasun deslaian.

Izango haiz, geldi eta zilar, hi.