Arnoaren goxoa

                Minister uetulli puer Falerni

                inger mi calices amariores

                ut lex Postumiae iubet magistrae

                ebrioso acino ebriosioris.

                at uos quo lubet hinc abite, lymphae,

                uini pernicies, et ad seueros

                migrate. hic merus est Thyonianus.

                                                  Cat., XXVII

Arnoketa nenbilela

zu aurkitu zintudan.

Geroztik zure ezpainetan,

Oi, zenbat edan dudan!

Berorik handienean

eta elurraren hozkuran

zuk hiltzen duzu barrena

kiskaltzen dautan sua.

Osorik badut gibela,

bihotza, aldiz, hil hurran.

Egarri naiz tai gabean,

bai neguan, bai udan.

Tai gabean zara egarri

zu ere nire gisa.

Ene soina duzu, haatik,

arno bete tirrisa.

Harat hunat elgarreki

albo-alboka gabiltza,

muina bata bertzeari

edateko irritsan.

Gau eta egun horditurik

demagu orai bizitza,

edan eta edan, biharamunik

nehoiz hel ez dadintzat.

w1992