Unibertsitateko liburutegia

Maite dut neguan

Unibertsitate liburutegi aurreko

zuhaitz bakanen arbasta sarea

Arbasta, abarñoak

miliunka gurutzatuak

zeru zola urdin hotzean

esku irmez marraztuak

Oi amodioaren ehun beroa

Burutapen gaitz bihurria

erabiltzen dudalarik

xorroztuaren xorroztuz

buru muineko xokoren batean

hondora bitartean

jadanik baretua

ene izpirituaren izpiritu egina

Maite dut negu ilunabarrez

neska estudiante bilo horia

liburutegiko zurezko mahai handiaren

inguruan irakurtzen bildua

Haren misteriozko begirada

urrutira ihesi joan nahi zuenean

arbasta sarean kateatua

Oi amodioaren ehun beroa