Urratsez urrats zeharbidetan barna

ilunabarrez bidagurutzerat iritsia

eta beti bezala

hautaren osin atalasean geldia

zalantzaren zirimolan,

eta bide bat hautatu-eta

erakargarriagoa bazter utzia,

barda bidagurutzean

bazen ederkiro margotu mihise zabala

bertako isiltasunaren itsasoan

orbelean biderik gabeko oihanean

nasai zure lizuna,

eta irudia hain zen bizia non

—zure idera Ederra—

mihiseko muga zeharkatuz

abian bainaiz zurekilako menturan.

w1995