Bizkaia maite

atzo goizean ikusi zintudan

soineko xuriz jauntzia

buruan orlegi, bihotzean sua

lirain, sendo, eder

nire gogoaren ertzetik pasatzen,

zure usain gozoa

                        lana, amodioa, itsasoa

nire baitan sartzen,

atzo goizean entzun nuen

zure berbaren oihartzuna

zure kantaren fereka

                              bihotzean kilika

eta oihartzunaren haunditasunean murgilduz

joan nintzen jauzika, hegaka,

barda arratsean

arbasoen baratzaren ondoan

bertsotan eta dantzan lotu zinen

                                              alai, piper eta gatz

sabel emankor

iturri ugaria,

Bizkaia maite

atzo goizean ikusi zintudan

soineko xuriz jauntzia

buruan orlegi, bihotzean sua

olerkari penatuaren gozo eta mina

amodio eta kanta,

zure berba leun

zure gatzaren bizia

zure burdinaren goria

dira gaur niretzat aterbe.

w1975

Musika: Benito Lertxundi