Kondairazko ihauterian
(Zatia)

Eta kondairazko ihauteriaren hasieran sua dantzari zen

                                                        eta ura kantari

hutsaren gauean

denboraren mugan,

eta etorri zen eguna

                            ortzeguna

iduzkiak argitzen eta biziarazten duena

eta etorri zen gaua

                              ortzirala

ilargiak ferekatzen eta hilarazten duena

ludiaren aro luzean,

hazitik bihia

                  eta

                      hutsaren hautsez

                      uraren urez

                      lurraren lurrez

bizitza da hasten atzo goizean,

han-hemenka ustegabeko emankortasuna

hats eta taupadak

han hemenka izakiak

urean, lehorrean, aidean

gizadiaren aurrekoak

                              sortzearen sortzez

bizitza sortzearen eromenean

                          ihauterian,

tokian toki sortzen, hazten, hezitzen

herriak osatzen

sinesteak azaltzen,

eta herri guztiek badute beren enparantza

ele, soinu eta dantza.

w1977