Gauzak, Jauna, pozik dagoz,

baiña gizonak min dira.

Nire arima tristeki dago

izadiari begira.

Izadiari begira,

gauzetan poza ageri da.

Gauzak pozik dagoz, Jauna,

baiña gizonak min dira.

Baiña gizonak min dira

betiko yoran min batez.

Nire arima tristeki dago

izadiari begira.

Baiña gauzak zear, urrun,

zeuganaiño begituta,

zure biotza gizonengana

makurturik ikusten da.

w1961