ERRETENETATIK HOTZA
hutsalki saiatuko gara ezkutatzen
epeldu edo gozatuko direlakoan
elkarren murrailen atzean ondoezak
hertsi ezin diren erretenetatik
hotz sartzen ari baitzaigu likidoa
putzuak eginez oinetan
babesgabezia bat biltzen digute
ertz zimelduek orain
biguntzen ari da kartoizko zorua
besarkatuta edo besarkatu gabe
berdin izoztuko
berdin hondoratuko gara
© Xabi Borda