KOMUNIKATU ATZERATUA

                        Joxe Azurmendiri zor

Aldarrikatzen dut

Aldarrikatzen dut

Armada Invenciblearen galerna

Aldarrikatzen dut

David Livingstoneren sukarra

Aldarrikatzen dut

Vasco da Gama hiltzeko konplota

Aldarrikatzen dut

Americo Vespuccioren nekea

Pearl Harbourreko suntsipena

Lope de Agirreren zorotasuna

Aldarrikatzen dut

Prien komandantea

Royal Oack hondatu zuenean Scapa Flown

Aldarrikatzen dut

Morgan

Nihaurk lepotuko dudan traidore bat

Aldarrikatzen dut

Magallães kutsatu zuen pozoia

Txurrukaren zangoa eraman zuen bala

Amundsen hil zuen izotza

Elkanori mundua itzularazi zion ikara

Aldarrikatzen dut

Okendo guztien estatuak botako dituen haizea

Estatu guztien Okendoak botako dituen haizea

Aldarrikatzen dut

Espainiaren urre guztiaren galera

Aldarrikatzen dut

Rimbaud izeneko espiaren sifilia

Aldarrikatzen dut

Greenwich meridianoa suntsituko duen eztanda

Aldarrikatzen dut

Eta aldarrikatzea bera egin dut helburu

Bihotzaren alde iluna izeberga ez badut ere

Etorkizuneko Titanic guztien hondamendia

Aldarrikatzen dut

Aldarrikatzen dut

Aldarrikatzen dut

Aldarrikatzen dut

Eta aldarrikatzen jarraituko dut

Hondoratuko nauen mäelstrom gozoa

Aldarrikatuz