Zure ametsetan izkutatu

lur erlastuaren usaina

bi igali bi

bularraren muga marrazten

parez pare

ortzemuga beltzaranen otoi

eta ahoa plazer debekatuen jantzi

limista, sama eta arraso

Jakin zure adatsean

haitzuloengan gorde

iratxo perbersoak bailiren

ferekak ernetzen direla

eskua itzela eskua urrundu

jakin bisitariak opari ainubeena

jasoko duela

Eta bai ote erran zenidana

zelula oro plazerrerako

dela negu dela uda

zure eraikuntzak likido

preziatuen zordun

bai ote

Utz nazazu bisita zaitzan

arrasta ditzan zure bideak

pasioaren urrats sahierrez

haragizko segundutan

oren erreez.