Inularrean ene izenaz ahanzten naiz

goroldioaren mirabe ur nabigagarrietan

hil-urren bezala desbizitu eguna

estrata beilegiaren amiltze leuna

inularrean ahanzten naiz eta itzuli

antigualdean naizen honetatik erori

Kulunkan pausatu, paper ortze infinitoak umotu

ene izenaz ahantzi eta pausatu

salaren freskuran

ene burua itzala legez arnastuz

izkiriatzen naiz

Inularrean ahantzi perbersioak onduz

izkiriatu nahi naiz, puntu hegirak

puntu etoiak ume hordiaren habiak

desio urtuak langar mintza mixaren desio

Inularrean ene izenaz ahantzi eta desbizitu

hil-urren bezala goroldioa ehundu

Inularrean.