aterpea

 

hitza duten horiek

babes etxe bat dela diote

ez da

etxe bat ere

 

soilik horma pare bat

tartean jende ugari

teilatu bat gainean

 

ez lorerik

leihoetan apaingarri

ez argazkirik horman

ez moketarik

neonezko argia

eguna joan eguna etorri

 

barrualde hitsak

kanpoko itxura ere

hits

 

fatimak

bere haurren eskuak

bilatzen ditu gauez

oihuek

ikaratzen dituzte

amets bakoitzean

 

atzerrian da

bakardadea

urrunean

da sorterria

etxerik ez

 

alemania aberri batuan

beste “harrera etxe” bat

kiskali da

 

teilatu eta hormak galdu dira

hilik da jendea

soilik errautsa eta kea

hezur-azalak

kiskalita

 

hitza duten horiek

ez diote ezer

gainerako gehienak

ere isilik

daude

 

1993